5 Web Browser ko Plug-In use karke bana sakte hain aur bhi jyada Productive.

Internet explorer

Iespell

Jab ap typing karte hain to yeh plug-in spelling mistakes scan karta hai. Yeh blog aur social networking site par kaam karne ke sath sath custom dictionary ke database me words ko add karne ki facility bhi deta hai. Yeh grammatical mistakes aur pronounciation check karne ki permission deta hai.

Quro Toolbar

Internet explorer ke liye yeh toolbar website search karne aur visit karne me help karne ke sath hi ek pop-up blocker ki tarah bhi kaam karta hai. Yeh address bar ko replace karta hai aur kaee features jaise compact button layout aur flash content ko hide karne ka option bhi provide karata hai.

Mouse Gestures

Is add-on ki help se browser ke sabse jyada normal functions ke liye bahut saare command jaise back, new tab etc. use kar sakte hain ism eek editor bhi hota hai jiski help se ap khud hi apna gesture bana sakte hain.

Safari

Safari omnibar

Omni bar safari se address bar aur search box ko ek sath add karke ek single bar me present karta hai. By default address bar me type karke ap google search kar sakte hain.

Pitchhelmet

Internet par surfing karte hua advertisement aur window pop-ups ko view karte hain but pitchhelmet in sab ko block kar deta hai. Isme ap chahen to website me block kiye jaane wale contents aur usme available dusre links ke rules setup kar sakte hain aur yeh bilkul waise hi kar sakte hain jaise avast antivirus me karte hain.

Ultimate status bar

Is plug-in ki help se short URL ko Full URL ke form me view kar sakte hain.

Opera

To-read sites

Is add-on ki help se opera me sabhi jaruri links ki list prepare kar sakte hain aur bad me unhe dekh sakte hain.

Easy sticky notes

Is plug-in ki help se browser window ke andar sticky notes create kar sakte hain. Yeh different website se different content notes ko save kar sakta hai. Ye notes apke PC ki local hard disk par save ho jaate hain.

Noads

Is plug-in ki help se saare unchahe advertisement ko block kar sakte hain. Unchahi script aur khas aliment ko bhi block kar sakte hain. Pre-made subscription list bhi download kar sakte hain.

Chrome

Split screen

Is plug-in ki help se apka chrome browser 2 panes me split ho jaata hai. Isse ap 2 alag web pages ko ek hi window me side by side dekh sakte hain. Khastaur par yeh us samay jyada upyogi hota hai jab ap bina tab ka use kiye alag-alag websites ke search results ka comparison karna chahte hon.

Trans can

By default ape k browser me keval last time band kiye gaye tab ko hi dobara open kar sakte hain but trans can ki help se ap chrome me kisi bhi closed tab ko restore kar sakte hain. Yeh ek click me browsing session ke time par band kiye gaye sabhi tabs ki list show kar deta hai.

Snippy

Yeh plug-in webpage par selected area ko capture karne ki facility deta hai. Isko bad me read karne ke liye use kar sakte hain. Ap chahen to saved contents ko directly google dox par upload bhi kar sakte hain. Yeh sabhi tarah ke content jaise images, links ko bhi support karta hai. Format me bina changes kiye yeh content ko save karta hai.

Firefox

Copy plain text

Kaee bar jab ham koi website visit karte hain to agar hame koi content pasand aata hai aur ham usko save karna chahte hain apne future references ke liye to save karte time kaee bar HTML codes bhi copy ho jaate hain jinki hame jarurat nahin padti. Ise rokne ke liye copy plain text ka use Karen.

Download status bar

Jab firefox me kuchh bhi download karte hain to har bar ek download window pop-up hoti hai. Lekin is plug-in ki help se sabhi download neeche status bar par apne progress bar ke sath nazar aate hain. Isse download speed aur download se related information milti hai.

Down them all

Yeh plug-in ek download manager hai jo bahut se chezen download karne me help karta hai. Ek single page se bahut saari cheezen download karna chahte hain to yeh plug-in apke liye hi hai. Isme file view , download speed limit, download all the link etc. jaise features available hai jo mostly apne internet download manager me use kiye hain.

Noscript

Internet me browsing karte hue bahut sare security issues hote rahte hain. Agar ap noscript download kar lete hain to secure browsing ke liye filters set kar sakte hain. Yeh websites ke liye PC par script run karne ya link ke sath pop-up window dikhane ke liye option provide karta hai.