Youtube par channel banane ke bad Video upload karke apne videos ko monetize karne ka tarika.

Blogging par monetize (paise kamane) karne ke bad me Youtube ek aisa medium hai jiski help se ap bina kisi vitteey nivesh ke achhe khase paise kama sakte ho. Youtube se paise kamane ke liye sabse pahle apko apna channel create karna padega. Ab ap ke mind me hoga ki channel banane ke liye kin-kin cheezon ki zarurat padti hai, to mai apko batata hun ki channel create karne ke liye sirf apke pas g-mail ID hona jaruri hai aur agar apke pas G-mail ID nahin hai to sabse pahle apni G-mail ID create kar len

Youtube par channel banane ka Tarika.

• Pahla Charan:

sabse pahle apna browser open karen iske bad browser me URL youtube.com Type karen. Jab youtube Open ho jaye to uske right side me People Icon hoga usme click karen, uske bad settings ke option par click karen jaisa ki neeche image me dikhaya gaya hai. Iske bad see all my channels or create a new channel par click kar den, yeh option tabhi show hoga jab apne pahle bhi ek channel create kiye hua honge (otherwise create a new channel par click karen). Iske bad create a new channel par click kar den.

Create a new channel par click karte hi ek new page open hoga jisme google apse brand account name fill karne ke liye kahega jiska matlab hai ki apko jis name se bhi channel banana hai uska name yahan fill karna hai. Apne channel ka name fill karen. Yeh option tabhi show hoga jab ap dusri bar channel bana rhe hoge otherwise use youtube as option show hoga. jaisa ki image me neeche dikhaya gaya hai.

Neeche image me jo option hai wah tabhi show hoga jab ap dusri bar channel bana rahe honge. 

Agar pahli bar apna channel create kar rhe hain to Choose as a youtube option show hoga jaisa ki neeche image me dikhaya gaya hai.

• Dusra Charan:

Apne channel ka name fill karke create par click karte hi youtube par apka channel create ho jayega. Ab aapne jo channel create kiya hai use verify karna hai. Agar pahle se hi apne verify kiya hai to koi bat nahin. Yahan par apna phone fill karne ke bad verification method by call ya by message select karen fir continue par click kar den, ab apke mobile par jo 6 digit ka verification code mila hai use Enter karen aur fir se continue par click kar den

• Teesra Charan:

Finally apka channel ban chuka hai verify karte hi apke dwara banaye gaye channel ke homepage par ap pahunch jayenge. Iske bad Add channel art par click kar ke koi bhi Image set kar len vaise ye sab ap kabhi bhi kar sakte hai.

• Chautha Charan:

Ab apka channel to ban chuka hai bas ab apko apne creativity ke according channel me videos upload karne hai. Video Upload karne ke liye right side me Upload Icon par click karen. Upload icon par click karte hi jo window open hogi usme ap 3 Tarike se videos ko upload kar sakte ho.

Select files to upload wale option par apne PC ya Hard drive par available videos ko upload kar sakte ho, yahan par apke pass 2 choices hain ya to ap ap video upload karne ke liye select karo ya fir video ko grag and drop karo.

Import your videos from google photos wale option par agar apki video google drive ya photos me available hai to ap directly yahan se use import kar sakte hain.

Live streaming wale option me ap apne web cam se videos create karke upload kar sakte hain.

Let suppose ki apke computer par apki banayee huee koi video available hai. Select files to upload par click karke wahi video upload karoge to video upload hona start ho jayegi. Video upload hote huye dekhne ke sath hi ap edit karke yeh bhi bata sakte hain ki apki video kis cheez ke baare me hai, 150 words me yeh write karke bata sakte hain ki apki video kis cheez se related hai, apni videos se related tags jaise (Technology,Blogging, Youtube) etc. use kar sakte hain, Public option par apko yeh choose karna hai ki apke videos ko kaun-kaun view kar sakta hai agar apne public video create ki hai to isme public select karen, apni videos ke sath agar ap koi special message logon ko dena chahte hai to yeh bhi set kar sakte hain, apni videos ko playlists me add kar sakte hain, video upload hone ke bad niche diye gaye 3 thumbnails me se koi 1 select kar sakte hain.

• Paanchvan Charan:

sari detail fill karne ke bad video ki publish button par click kar den. publish button par click karte hi video apke channel par aa jayegi. video manager ke option par click karke yeh check kar len ki video apke channel par hai ya nahin, Aur bahut sare videos ko upload karna chahte hain to Add more videos wale option par click karen.

Youtube par monetize karne ka tarika

Apko agar youtube se earning me interest hai to apko apna channel monetize karna padega. Videos ko monetize karne par apke videos par adsense ke ads show honge jisse apki earning hogi. Aur ye videos se hone wali income ke 2 tarike hain ek to jab koi visitor apki videos par show hone wali ads par click karega usse apki earning hogi aur dusri jab ap apni videos par kisi affiliate product ka promotion karte hain.

To doston ap bhi upar batayee huee sari details ko ache se follow karke apne liye channel create kar sakte hain aur usme apni creativity ke according videos ko upload kar sakte hain aur use ghar baithe lakhon rupaye kama sakte hain. Waise youtube par entertainment videos jyada popular hain jaise ki Comedy, Acting, Dialogs aur aise videos jiske through ap logon ko kuchh sikha sakte hain to fir ap adsense se ache khase paise bhi kama sakte hain. To aj hi youtube par channel create Karen aur use adsense se connect karke monetize karna start Karen aur ghar baithe lakhon rupaye kamayen.

Aur agar ap camera ko face karne se darte hain ya face karna nahin chahte to ap blogging karke bhi paise kama sakte hain. Apna blog create karke usme ads show karke bhi ap earning kar sakte hain. Yahi 2 tarike ekdam free hain jinse ap bina kisi vittey nivesh ke ghar baithe lakhon rupaye kama sakte hain.