Introducing New G-mail Features janne ke sath jane apne apna account kahan khula chhoda hai.

New Inbox Features

Snooze Tool: Hamare inbox me kaee bar important messages aate hain jise read karna bahut hi jaruri hai but time na rahne ki wajah se ham un messages ko read nahin kar paate hain, g-mail ka new feature Snooze tool ise tab tak ke liye hide kar dega jab tak ki ap inhe read karne ke liye taiyar nahin ho jaate. Is tool ke under ek baar me kaee sare messages ko snooze kar sakte hain.

Push and Nuz: Google ne e-mail overload se mukti dilane ke liye kuchh kadam uthaye hain. Google ne nuzzing feature launch kiya hai. Isme bahut hi jyada important messages ko kuchh dino ke liye top par send kar deta hai taki ap unhe asani se dekh saken, yeh feature theek waisa hi hai jaisa ki twitter par ham koi bhi tweet pinned karke usko top par la dete hain. Push notification me bhi change hua hai. Ab high priority optiion hai jo keval important e-mails recieve hone par hi alert karta hai. G-mail ne ek new feature launch kiya hai. Ap jin messages ko read nahin karte unhe apne mailing lists se unsubscribe kar sakte hain.

Attachment Chips: Attachment chips g-mail ka best new feature hai. Yadi apne g-mail account ko ap office me bhi use karte hain aur jaldi se koi document search karna chahte hain to ap yeh asani se kar sakte hain. Attachment chip apko message se attached har file ka name aur type show karegi.

Confidential Mode

Ab tak g-mail se related ek problem yeh thi ki jab bhi ham kisi person ko e-mail karte the to hamara send kiya hua message uske inbox me tab tak available rehta tha jab tak ki wah ise delete na kar de. Confidential mode content ko send karne ki bajaye uska link send karega. Sender ke taur par inbox me content secure aur hamesha encrypted rahega aur ise kabhi bhi access kar sakenge. Link me ap time limit bhi add kar sakenge ek nishchit time ke bad expire hone ke liye set bhi kar sakenge.

Anti Fishing: New g-mail me fishing ke against protection ko add kiya gaya hai. G-mail machine learning se khatron ki pahchan karta hai aur unhe flag kar deta hai. pahle sambhavit phishing e-mail ko ek chhote bar se pahchan dee jati hai, taki readers kisi bhi link par click karne me saavdhani barte. Ab interface me red color me warning message nazar aata hai. Isse hone wale khatre aur nukshan ko shadharan language me samjhaya jata hai. Taki log khatre ko puri tarah se samajhen aur link par click karne se hone wali hacking se bachen.

App Access: New g-mail me side panel hai isse tabs ke beech me switching kiye bagair hi anya google apps jaise calender aur notes ko access kar sakte hain. Isse anya apps me e-mails ko direct hi drag kar sakte hain aur ap apna inbox chhode bina hi apne appointments ko manage kar sakte hain.

G-mail Account kahan par khula chhoda hai?

Kaee bar ham kisi anzan laptop/mobile/tablet ya cyber cafe me apna g-mail account open chhod dete hain aur aise me apke account publicly ho jaate hain aur koi bhi unka misuse bhi kar sakta hai. kuchh features ki jankari jinki help se ap ek click par apne account se related open sessions ko sign-out kar sakte hain.

Ye sab karne ke liye neeche diye asan steps ko follow karna hoga.

1.) sabse pahle gmail.com par jakar sign-in kariye

2.) sabse neeche right side me details ko search kariye.

3.) details par click karte hi ek new window open hogi jisme apko apne sabhi open sessions ki information milegi.

4.) Yahan par Sign out all other web sessions par click karke apne sare other devices par log-in ko sign-out karen.

Social Media Account kahan khula chhoda hai?

Apna social media account jaise facebook aur whatsapp kahan par khula chhoda hai iske liye neeche diye asan se steps follow karna hoga.

Facebook par kahan khula chhoda hai account?

1.) sabse pahle facebook.com par jakar sign-in kariye.

2.) right side me settings par jane ke bad security and login tab par jana hoga. Agar ap direct jana chahte hain to neeche diye web address se yahan direct access kar sakte hain.

Click Here to Direct Access

Iske bad yahan where you're logged in section me see more par click karna hai uske bad apko log out of all sessions ka option milega aur yahan se ap sare open sessions ko off kar sakte hain.

Whatsapp Account kahan khula chhoda hai?

1.) sabse pahle apna whatsapp account open karen.

2.) iske bad menu me jayen fir whatsapp web par jayen iske bad log out from all computers me jakar apne sabhi active sessions jo kisi computer me open kiye gaye the unhe yahan se off kar sakte hain.