Digital Marketing me ek successful entrepreneur kaise bane?

Agar apne 12th pass kar lee hai aur apne career ko lekar confuse hain ki kis field me career banayen to digital marketing bhi ek career option ho sakta hai, halanki yeh new hai but tezi se popular bhi ho rha hai. Value added service program apko ghar baithe lakhon rupaye de sakte hain aur is program ko ap online aur offline dono tarah se kar sakte hain.

Digital Marketing me Career start kaise karen?

Digital marketing me career start karne se pahle apko ek professional ko follow karna hoga jiske pas apke field se related sari information ho. Yeh sabhi cheezen ap online jakar free me kar sakte hain aur iske liye kisi professional course ki bhi jarurat nahin hai. Bus isme HTML aur internet ki thodi samajh hona jaroori hai. Halanki SEO ke liye online and offline programs hote hain jaise HTML, Tag, Meta Tag, Blog, Keyword Research, Site Analysis, Social Bookmarking, Google Adword and Youtube Marketing but ye sabhi course short term hote hai aur jaroori nahin ki ap inhe join karke hi successful ho sakte hai, internet par agar apki pakad majboot hai to ap inhe online bhi learn kar sakte hain kyunki digital marketing field kisi ek career ko banane ke liye nahin balki isse kaee sare career options nikalte hain. Isme apka potential hi apko successful banayega. Iski maang bahut adhik badh rahi hai aur isme aaye diffrence se definitely apki earning effected hogi.

Create Digital Profile

Digital profile ke under kaee sare option hain kuchh to google recommended hai jaise Blogger but kuchh google recommended nahin hain fir bhi ap unse achhi khasi earning kar sakte hain ji han mai bat kar raha hun wordpress ki isme bhi ap google services jaise google adsense ka use karke achhe khase paise kama sakte hain. Pahle to kisi professional blogger ko follow karke uska blog read karen uske likhne ke tarike aur ad placement par gaur karen fir apna blog likhna start karen. Man lo ki jaise ki apne apna blog create kar liya aur usme likhna bhi start kar diya but iske bad 2 options aur aate hain SMO(Social Media Optimization) aur SEO(Search Engine Optimization) jinki samajh hona bhi bahut jaroori hai. Jisme se SMO ke tahat business ko promote karne ki koshish ki jaati hai aur SEO ke tahat Google, Yahoo, Bing ya kisi bhi search engine me jab koi query hoti hai to usse related website apke samne aa jaati hai. Inke order ko line se show karna SEO ka hota hai.

SEO Expert Kaise Bane?

HTML and Content Writing

SEO ke liye sabse pahle apko HTML language ko samajhna bahut jaroori hai. Agar ap HTML me expert hain to samjho apka 50% kaam to ho gaya aur yadi nahin to ap online ya offline HTML language learn kar sakte hain, Iske Tahat apko page banana bhi aana chahiye. Iske sath hi content writing me likhne ki creativity bhi achhi honi chahiye, Branding sunishchit karne ke liye Social Media promotion bhi bahut achhe tarah se aana chahiye. Iske sath hi customers ke mann ko bhi pahchan lena chahiye. Social Media promotions fast karne ke liye customers ki jaruraton ko bhi samay rahte jaan lena chahiye. Har roj ke social media promotions ke tahat apka comic sense bhi achha hona chahiye taki kuchh na kuchh creative hota rahe aur apka customer bhi bor na ho.

Kaise aur Kitni earning ho sakti hai?

Google adsense, Chitika, Bidvertiser ke ad placement ke through earning kar sakte hain waise to Affiliate marketing ke through bhi kafi earning ho sakti hai but usme bahut jyada traffic ki jarurat padti hai, bigginers ke liye adsense best option hai.

Jahan tak earning ki baat karen to digital marketing ke through blog se ap jitna chahe utna paisa kama sakte hain aur iski koi seema nahin hai. User ka jitna ads ke sath engagement increase hoga apkiearning bhi usi hisab se hogi isliye blog create karke traffic par dhyan den earning automatically start ho jayegi. Halanki starting me earning 15 thousand se 40 thousand ke beech me ho sakti hai but kuch years ke bad ap apne ads space ko cell karke lakhon rupaye kama sakte hain aur khud ki company ya office start kar sakte hain.