Facebook aur Whatsapp par karen apni Privacy settings ko Manage(via Tech India Hindi).

Facebook par privacy karen control

Device aur apni personal information check karen

Settings me security and log-in me jayen. Yahan par facebook ka ek section dikhaee dega where you are logged-in isme saare devices laptop/tablet/phone ki ek list hoti hai jinpar facebook account log-in kiya hai. Yadi ap kisi device ko nahin pahchan paate aur usse kabhi bhi access nahin karte hain to use remove kar sakte hain. Yadi ap kuchh devices ke status se satisfied nahin hain to log-out of all sessions option ko kaam me lekar fresh log-in kar sakte hain aisa karne se yeh confirm ho jayega ki apka facebook account koi aur nahin chala raha hai.

Jab ap apni facebook account settings ko open karte hain to apko left me ek new menu item your facebook information Dikhaee dega. Iski help se facebook ne ek single page par apki saari information available ki hai. Yahan par ap different category jaise post, photo, comment aur likes me alag se dekh sakte hain aur jo content ap download karna chahen to download bhi kar sakte hain. Is page par ap apne activity log ko bhi dekh sakte hain aur manage bhi kar sakte hain aur sath hi sath yeh bhi sunischit kar sakte hain ki apki kon si activities apke friends ke timeline par dikhaee degi aur kon si nahin.

Mostly website and apps ek naee process ke sath account banane ke bajaye facebook se log-in karne ka option dete hain. Jahan tak aisa karne se bahut si cheezen asan ho jaati hain but jab hum apps and website ka use karna band kar dete hain to facebook access ko revoke karna na bhulen. Aisa karne ke liye settings me Apps and website par jayen yahan par aise apps and website ki list dikhaee degi jinhe facebook ki help se access kiye the, Ab ap jin apps and website ka use nahin kar rhe hain unhe list se choose karke remove kar sakte hain. Iske alawa ap un sabhi posts ko bhi delete kar sakte hain jo koi app ya website apke behalf publish kar chuka hai.

Apne facebook content ko protect karen.

Social media par identification ke liye profile picture ek primary tool ke roop me kaam me li jati hai. Yahan par sabse badi problem hai ki koi bhi aadmi aapki profile pic ka use karke fake facebook ID bana sakta hai isse bachne ke liye facebook ne ek feature profile picture guard add kiya hai. Iske liye sabse pahle apni facebook profile open karen aur apni current profile par click karen, update profile picture par click na karen. Jab apki profile picture open ho jaye to image ke neeche option par click karen aur turn on profile picture guard select karen. Isse picture par blue shield enable ho jayegi.

Facebook ka authenticator tool aisa tool hai jo un logon ke liye wardan hai jo facebook ko achhe se manage karna nahin jante aur hacking ki possibility samajh me aati hai to yeh apke account ko lock kar dega aur ap ise accesss nahin kar payenge. Account ko wapis se pane ki process long and hard hoti hai. Lekin facebook apko 5 trusted friends ko choose karne ka option deta hai. Inki help se ap apna account dobara prapt kar sakte hain. Iske liye apko settings me security and log-in par jaana hoga. Contact karne ke liye frinds ko select karen aur  list me se kam se kam 3 friends choose karen. Agar apka account kabhi lock ho jaata hai ya apne hi ise lock kiya hai to ye friends apko verification code send kar sakte hain. Aur authentication ke bad ap apna account dobara se prapt kar sakte hain.

Facebook data manage karen

Facebook information page par manage your data ka shortcut milega, jab ap is feature ko access karte hain to apko facebook ya instagram par data manage karne ke liye select karna padta hai. Facebook ke liye apko advanced control milta hai ki facebook apka data kahan par aur kitna kaam me le sakta hai. Apne location data ko manage karne ke sath facebook par upload kiye gaye contacts ko control kar sakte hain. Ap face recognition settings, ad preference aur bahut se features ko control kar sakte hain.

Whatsapp par privacy karen control (Whatsapp new privacy guidelines in india) 

Privacy Against aggressive content

Agar apko apne whatsapp par koi aggresive message milta hai to sabse pahle us message ko achhe se scan kar len, Pratikriya dene se pahle message par diye gaye link aur different sources ko achhe se check kar len. Agar link jankar website ka show ho rha hai tab bhi kae bar photo me kuchh show hota hai aur jab ap us link par click karenge to information kisi dusri cheez ke baare me milegi. Agar ap apne whatsapp messges me kuchh aisa read karte hain jisse apko gussa aata hai ya dar lagta hai, to fir us message ka motive pata karen ki yeh message apke mann me dar paida karne ke liye hi tha ya isme koi sachhai bhi hai. Agar wah message sirf dar paida karne ke liye tha to huble request ke sath Whatsapp suggest karta hai ki use baki dusre logon ke sath share na karen.

Privacy Against Spam contents

Aisi ghatnayen ya kisse jinpar yakeen karna thoda kathin ho, to aisi cheezen sach nahin hoti hai, aise messages ki sachhai janne ke liye kisi aur source ki help len aur sunischit karen ki wah khabar sahi thi ya nahin. Mostly aise messages jisme dhokha ya jhooti khabren hoti hain usme wrong languages ka use kiya jaata hai, Exclamation mark signs (!) ka use karke logon ko gumrah karte hai to koi bhi message read karte samay in sabhi signs ka dhyan rakhen. Is par jaroor dhyan den ki apne message ko kitni bar prapt kiya hai aur sirf is basis par ki koi message kitni bar share kiya gaya hai, iska matlab yeh nahin ki wo khabar sach hi ho. Agar ap message ke Source ko nahin jante aur apkon lagta ho ki message me available jaankari jhooti ho sakti hai to please use dusre logon ke sath share na karen.

Privacy Against Photo, Video and link

Photo aur video par asani se yakeen kar liya jata hai. Lekin logon ko bram me rakhne ke liye photo aur video bhi publish kiye jaate hain photo aur video par edit karke kuchh likh diya jaata hai jisse log confuse hokar use sahi samajh baithe hain but uske peechhe ki kahani to kuchh aur hi hoti hai isliye online jakar apne friends ke sath discuss karke yeh pta lagaye ki information sahi hai ya nahin. Apko aisa lag sakta hai ki message me available link kisi jaani pehchani website ka ho but agar us message me wrong language ka use hua to yeh jaan jayen ki kuchh na kuchh to gadbad hai aur us link par click karke yeh sunischit karen ki information sahi hai ya nahin. News ki asaliyat ko janne ke liye anya news channel, Apps & website dekhen. Agar koi news sahi hai to yeh aur jagah par bhi available hogi. Jab koi ek incident kaee jagah par post kiya jaata hai to uske sach hone ki possibility bhi increase ho jaati hai. 

Privacy Control

Ap whatsapp par kisi bhi number ko block kar sakte hain ya kisi bhi group ko leave kar sakte hain. Whatsapp experience ko aur bhi behatar banane ke liye aise features ka use jaroor karen.