Interesting Online Editor and Online tools ki help se apne online issues karen solve.

Online Editors

Pixlr: Online editor pixlr se new images prepare kar sakte hain. PC se image upload kar sakte hain ya URL se koi bhi image open kar sakte hain. Isme kaee sare tools hain jo layers ko support karte hain aur isme bahut se filter effects bhi hain.

Adobe: Adobe ka online photo editor basic image adjustment ke liye achha hai. Isme very basic editing kee ja sakti hai jaise crop, resize, rotate etc. bahut hi asani se kar sakte hain. white balance, soft focus aur highlight wale kaam bhi asani se kar sakte hain.

Splash: Splash ka interface photoshop jaisa hi hai. PC, URL ke alawa facebook, flickr, picasa aur photobucket se import kee gaee photos bhi support karta hai. Webcam se images capture kar sakte hain aur sath me filters and layers ke sath bhi kaam kar sakte hain.

File Lab Products: Yeh google chrome ke sath bahut achhe se kaam karta hai. Iske liye aapko ek free plug-in bhi download karna padta hai iske bad aapko multiple video support and HD resolution milta hai. Isme sabhi basic editing control jaise trim, cut aur merge jaisi facility hain. Effects ki help se aur creative video bana sakte hain isme aapko 50 transition effects milte hain jisse ap ek video par dusra video over-lay kar sakte hain. Apne art work ka preview browser window me dekh sakte hain. 

Youtube: Youtube ek powerful video editor offer karta hai, isse videos ko trim kar sakte hain, bahut sare videos ko ek video me change kar sakte hain aur apni pasand ka soundtrack add kar sakte hain. Auto correction and effects ke liye suggest karta hai.

Online Tools

Soundation: Soundation studio aise tools and effects offer karta hai jo ki ek professional music studio software ke sath aate hain. Aap browser window me studio launch kar sakte hain isme 600 se jyada free audio loops and samples shamil hain.

Homestyler: Isse ap house planning kar sakte hain. Isme redecoration kar sakte hain, layout prepare kar sakte hain, furniture add kar sakte hain aur yeh room ki light and texture ke according setting karne ki facility deta hai.

Video: Video toolbox video editing ke liye mostly file format ki editing me kaam me aata hai, isme video ko file format me change kar sakte hain, watermark add kar sakte hain, video merge kar sakte hain aur screenshot le sakte hain.

OCR: OCR online se Scanned document, PDF file ya kisi image ko publish karne layak text file me change kar sakte hain. Agar scanning kar rahe hain to 300 DPI me ise set karna na bhoolen.

Cloud Storage: Google drive text, spreadsheet and presentation ke liye feature rich-interface offer karta hai, g-mail inbox me save document open kar sakte hain aur new document bana sakte hain aur sath hi sath document par real time collaboration kar sakte hain.

PDF: www.pdfunlock.com se PDF par lage ban remove kar sakte hain. www.pdfmerge.com se kaee sari files ko ek sath add kar sakte hain. www.splitpdf.com se kaee sari pdf se pdf alag kar sakte hain.

Office Suite: zoho ke office suite me MS office, spreadsheets, presentation, data base and report ke liye khas support hota hai aur yeh bhi real time collaboration offer karta hai iske alawa yeh kaee sari integrated service bhi offer karta hai. Iske single account ke sath mail,chat, calendar, planing aur invoice jaisi services ko enjoy kar sakte hain.